?

Log in

Ž² juras14 [entries|archive|friends|userinfo]
Юрась Міхед

[ website | Mikhed.ru ]
[ userinfo | livejournal userinfo ]
[ archive | journal archive ]

[sticky post] Верхні запіс [Jul. 4th, 2014|12:16 am]
Юрась Міхед
Гэта будзе верхні запіс у гэтым закінутым ЖЖ.

mikhed.ru — мой сайт

mikhed.ru/be — мой сайт па-беларуску

mikhed.ru/uk — мій сайт українською

Быдлакантакцік

Фэйсбук


Усё аднаўляецца часта. Заходзьце, чо.
linkzapaścić kament

Так [Oct. 30th, 2013|08:56 am]
Юрась Міхед
[Tags|]

Чытаю зараз “Хрыстос прызямліўся ў Гародні”. Караткевіч добра праехаўся па каталіцызме і рэліґіі ў цэлым.

А мне спатрэбілася 30 год, каб зразумець, што ніякіх багоў няма. Ні хрысьціянскага, ні магаметанскага, ні будды, ні крышны, ні крывіцкіх, ні ґерманскіх. Няма анёлаў, няма дэманаў, няма духаў. Няма жыцьця пасьля сьмерці. Няма бесьсьмяротнай душы. Законы фізыкі — адзінае, чаму падпарадкоўваецца сьвет.

Не спадзявайцеся на выдуманыя існасьці і н на справядлівасьць зьверху. Жывіце па сумленьні, разьлічвайце толькі на сябе, і памятайце, што сьмерць — гэта момант, калі для вас усё перастане існаваць. Назаўжды. Акрамя гэтага, іншага жыцьця ня будзе.
link10 kamenty(aŭ)|zapaścić kament

Не хапае слова [Aug. 3rd, 2013|09:45 pm]
Юрась Міхед
[Tags|]

У беларускай мове няма аналяґа для слова «общаться». Слоўнікі даюць варыянт «мець зносіны». Але мне з маім расейскамоўным успрыяцьцем рэальнасьці гэты варыянт увесь час падаецца нейкім непадыходзячым.

Па першае, як, напрыклад, перакласьці «пообщался с друзьями»? «Памеў зносіны зь сябрамі»? Неяк ня вельмі гучыць.

Па-другое, і гэта яшчэ горш, чамусьці ўвесь час малюецца паралель паміж «мець зносіны» і расейскім «иметь отношения». Другая фраза ў расейскай мове відавочна абазначае ня проста зносіны, а блізкія стасункі. Дык вось, ці можна па-беларуску сказаць «я маю зь ёй зносіны», не баючыся, што цябе ня так зразумеюць? Бо калі «я с ней общаюсь» па-расейску гучыць цалкам нэўтральна, то «я маю зь ёй зносіны», здаецца, ўтрымлівае нейкі намёк на нешта большае.
link7 kamenty(aŭ)|zapaścić kament

Свободу Навальному! [Jul. 18th, 2013|10:41 am]
Юрась Міхед
Навальнаму далі 5 гадоў зьняволеньня.

Тое, у ва што пераўтварылася сёньняшняя Расія, значна горш за лукашэнкаўскую Беларусь. Лукашэнка лепш за Пуціна. Ён хоць сукін сын і лічыць краіну сваёй уласнасьцю, але ўласнасьцю гэтай даражыць, і ахоўвае яе ў адпаведнасьці са сваім бачаньнем сітуацыі. Пуцін і ягоная банда — найгоршы прыклад кампрадорства, паразытызму на краіне, вынішчэньня яе дзеля ўласнай фінансавай выгоды.
linkzapaścić kament

Перадача пра перадавікоў [Jul. 12th, 2013|11:39 pm]
Юрась Міхед
Я пару тыдняў таму даў інтэрвію Паліне Прысмаковай, якая вядзе перадачу «Навігатар» на «радыё Рацыя» (перадача прысьвечана вандроўкам). Размаўлялі пра Мэксіку. Сёньня запіс гутаркі павінен выйсьці ў этэр а 13:00 па менскім часе (таксама заўтра а 15). Спадзяюся я там не занадта эээкаў і хваляваўся.

http://racyja.eu
link2 kamenty(aŭ)|zapaścić kament

Чарнобыль-2008 [Jun. 29th, 2013|10:42 pm]
Юрась Міхед
[Tags|, , ]

На маім сайце на беларускай зьявіліся ападяваньні аб паездцы ў чарнобыльскую зону адчужэньня ўлетку 2008 году (5 гадоў ужо прайшло — афігець).

Чарнобыль ЧАЭС Прыпяць Сёлы Зоны адчужэньня
Чарнобыль ЧАЭС Прыпяць Сельская мясцовасьць Зоны
link6 kamenty(aŭ)|zapaścić kament

13 вагон 666 цягніка [Jun. 28th, 2013|09:39 am]
Юрась Міхед
[Tags|]



Сярод шырокіх мас насельніцтва адной з найбольш распаўсюджаных забабонаў зьяўляецца арытмафобія — боязь пэўнага ліку. Хоць баяцца могуць любога ліку, часьцей за ўсё гэта нейкія пэўныя колькасьці, што па нейкай прычыне якія сталі ў пэўнай культуры «нешчасьлівымі» або «страшнымі».

У заходняй культуры гэта, вядома ж, лік 13. Па нейкай прычыне ў многіх народаў лічыўся сьвятым лік 12 (12 апосталаў, 12 знакаў задыяку, 12 месяцаў году, і г. д.), таму і 13, будучы больш за яго, станавілася блюзьнерскім. Трыскаідэкафобія аказвае вялікі ўплыў на штодзённае жыцьцё — у ЗША, напрыклад, у дамах вельмі часта няма 13 паверху, няма 13 паркавальнага месца, на вуліцах няма 13 дома (вырашаецца гэтая «праблема» альбо пропускам ліку 13, альбо заменай яго на нешта накшталт «12b»). Вытворцы праґрам прапускаюць 13 вэрсію. У самалётах многіх заходніх авіякампаніяў няма 13 шэрагу месцаў. У Расеі 13 не прысвойваецца ў якасьці бартавога нумару ў ваеннай авіяцыі (хоць так было не заўсёды — у прыватнасьці, на самалёце з нумарам 13 лётаў ваенны ас, тройчы герой СССР Аляксандр Пакрышкін).

Здавалася б, чаму сур’ёзныя людзі гэтак прыхільна ставяцца да дурных забабонаў натоўпу? Таму што не прыслухоўвацца да яго эканамічна невыгодна. Людзі дурныя, але яны плацяць грошы. Па статыстыцы, напрыклад, з-за забабонаў 13 дом на вуліцы, кватэры на 13 паверсе, альбо кватэра з нумарам 13 заўсёды стаяць таньней за іншыя з-за меншага попыту на іх (рыэлтары таксама адзначаюць, што 13 чысла кожнага месяца колькасьць зьдзелак зь нерухомасьцю з-за забабонаў падае на траціну). Авіякампаніям выгодней ня мець 13 шэрагу, таму што куча народа баіцца на ім лётаць. Дарэчы, у Люфтганзе і Аліталіі няма таксама й 17 шэрагу — у Італіі лік 17 таксама лічыцца нешчаслівым, што пайшло яшчэ з Рыма — запіс гэтага ліку рымскімі лічбамі выглядае як XVII, што падобна на слова «vixi» — «жыў» (яго пісалі на магілах побач з датай, «жыў з гэткага па гэткае»).

Даследаваньні паказалі, што 13 чысла, асабліва калі яно выпадае на пятніцу, таксама адзначаецца некаторае ПАДЗЕНЬНЕ колькасьці аўтамабільных аварыяў — боязь няўдачы прыводзіць да таго, што людзі водзяць асьцярожней і больш уважліва.

У той жа час у усходнеазіяцкіх краінах або ў культуры Майя лік 13 заўсёды лічылася шчасьлівым (напрыклад, у Майя было 13 знакаў задыяку — у адрозненьне ад эўрапейцаў, яны падзялілі Задзіяк на 13 сэктараў). Страх ж у азіятаў (японцаў, карэйцаў, кітайцаў) выклікае лік 4, вакол якога столькі ж забабонаў, колькі ў эўрапейцаў вакол 13. У усходнеазіяцкіх краінах у дамах гэтак жа не робяць 4 паверху, 4 кватэры, не бывае 4 месца, на аўтамабільных нумарах стараюцца не дапускаць наяўнасьці 4, і г.д. Варта заўважыць, што ў кітайцаў вера ў шчасьлівыя і нешчасьлівыя колькасьці навогул вельмі распаўсюджаная ў побыце. Заходнія мужчыны, якія ажаніліся з кітаянкамі, часта скардзяцца, што захапленьне іх жонак глупствамі са «шчасьлівымі лікамі» і залежнасьць ад гэтага прымаемых рашэньняў часам проста даводзіць іх да белага каленьня.

Тлумачыцца ж боязь чацьвёркі вельмі проста — слова «чатыры» ў гэтых мовах фанетычна сугучна са словам «сьмерць».

Асобы, якія вызнаюць хрысьціянскую рэліґію, баяцца ліку 666, паколькі ў хрысьціянскай міталёґіі яно лічыцца лікам шатана. Чаму менавіта яго абралі аўтары Бібліі, дакладна невядома. Па адной з версій, 666 зьяўляецца сумай лікавых значэньняў літар, зь якіх у габрэйскім напісаньні складаецца фраза «Нэрон Кесар» (Імпэратар Нэрон), які быў рымскім імпэратарам з 54 па 68 год нашай эры. У той час хрысьціянства толькі зарадзілася, і лічылася небясьпечнай для дзяржавы рэліґійнай сэктай, і Нэрон праславіўся сваімі ганеньнямі на хрысьціян, пакараньнем сьмерцю апосталаў Пятра і Паўла, што і знайшло адлюстраваньне ў Бібліі.

Што тычыцца ўплыву забабонаў вакол колькасьці 666 на штодзённае жыцьцё, то тут неаднаразова адрознівалася Расія (зьдзівіліся? Я таксама не). Па просьбах праваслаўных, былі зьмененыя нумары аўтобуснага маршруту №666 у Маскве, цягніка №666 Асташкаў—Масква (падобнае адбылося і на Ўкраіне, дзе быў зьменены нумар 666 цягніка Луганск—Сімферопаль). У 2007 годзе ў Іркуцку аблвыбаркам адмовіўся ствараць выбарчы ўчастак №666.

У Кітаі 666 зьяўляецца адным са шчасьлівых лікаў (складаецца з трох шасьцёрак, якія сам-насам лічацца спрыяльнымі), таму, напрыклад, 6 чэрвеня 2006 года быў адзначаны ўсплёск колькасьці заключаных шлюбаў (як і 07.07.2007 і 08.08.2008).

Тое, што «шчасьлівасьць» лікаў моцна вар’іруецца ад культуры да культуры, ды і простая матэрыялістычная лёґіка паказваюць, што на самой справе ніякіх нешчасьлівых лікаў няма і быць не можа. І выклікае шкадаваньне той факт, што кампаніям і муніцыпалітэтам даводзіцца ісці на падставе ў натоўпу — гэта толькі пагаршае забабоны.
linkzapaścić kament

Фотаапавяданьні аб вандроўцы па ЗША ў верасьні 2012 году [Jun. 1st, 2013|07:10 pm]
Юрась Міхед
[Tags|, , , ]

Між тым, я паступова перакладаю апавяданьні аб вандроўках для беларускай вэрсіі свайго сайта. Цалкам пераклаў вандроўкі верасьня 2012 году — бадай, самае найлепшае, што са мной здарылася за апошнія 15 гадоў майго форэваралонскага жыцьця. Клікаем на спасылкі:

Ляс-Вэгас Плаціна Гувэра й пустыня Махавэ Лос-Анджэлес Малібу, Санта-Барбара, Пісмо-Бич Сан-Францыска
Ляс-Вэгас Плаціна Гувэра й пустыня Махавэ Лос-Анджэлес Малібу, Санта-Барбара, Пісмо-Біч Сан-Францыска
         
Нью-Ёрк Вашынгтон      
Нью-Ёрк Вашынгтон      


На наступным тыдні я адпраўлюся ў вандроўку па Мэксіцы.
linkzapaścić kament

(no subject) [Mar. 25th, 2013|11:33 am]
Юрась Міхед
Жыве Беларусь!
link1 kament|zapaścić kament

Goodbye, Lenin [Mar. 17th, 2013|04:03 pm]
Юрась Міхед
У Белгарадзе з цэнтральнай (Саборнай) плошчы ўбралі помнік Леніну. На яго месцы павінна зьявіцца стэла "Горад вайсковай славы" зь дзяржаўнай сымболікай. Ад гэтага ў мясцовых камуністаў здарыўся моцны батхёрт, але на іх пратэсты ўлады не зьвяртаюць увагі. Дэмантаж помніка плянаваўся яшчэ ў 2009 годзе, але з-за адсутнасьці згоды яго ўвесь час адкладалі. Напярэдадні 5 жніўня 2013 года, калі будзе адзначацца 70-годзьдзе вызваленьня гораду ад нямецка-фашысцкіх захопнікаў, улады вырашылі ўсё ж зьдзейсьніць задуманае нагледзячы на пратэсты.

У 2004 годзе ў горадзе таксама былі перайменаванныя ўсе вуліцы, названыя ў гонар рэвалюцыі, сацыялізму і камуністычных дзеячоў. Губэрнатар вобласьці Яўгеній Саўчанка вядомы шэрагам спрэчных ініцыятыў па папулярызацыі праваслаўя, такіх, як увядзеньне ў школах прадмета "Закон Боскі" або ўвядзеньня "праграмы духоўнай бясьпекі".
linkzapaścić kament

navigation
[ viewing | most recent entries ]
[ go | earlier ]